🚨 बुलढाण्यात रेशन घोटाळा आणि माहिती अधिकाराचा उघडपणे भंग – जिल्हाधिकारी कार्यालयाला दिले जाणार तातडीची कारवाई साठी स्मरण पत्र ,युवा जिल्हाध्यक्ष आझाद पठाण 🚨

नांदुरा प्रतिनिधी:

समाजवादी पार्टीचे युवा जिल्हाध्यक्ष आझाद पठाण यांनी बुलढाणा जिल्हाधिकारी साहेबांना दिलेल्या निवेदनातून अन्न व नागरी पुरवठा विभागातील मोठा रेशन धान्य घोटाळा आणि माहिती अधिकार कायद्याचे उघड उल्लंघन उघड केले आहे.

१६ जून २०२५ रोजी दाखल केलेल्या तक्रारीत, मा. पुरवठा अधिकारी पूनम थोरात व विक्की उधाणी यांनी शासन रेशन धान्याचा अपहार करून काळाबाजारात विक्री केल्याचा गंभीर आरोप करण्यात आला होता. मात्र दोन महिने उलटूनही कोणतीही कारवाई न झाल्याने प्रशासनाच्या भूमिकेवर संशय व्यक्त होत आहे.

३० जून २०२५ रोजी दाखल दुसऱ्या तक्रारीत, पूनम थोरात यांनी माहिती अधिकार कायदा 2005 चे कलम 7(1) मोडून अनेक अर्ज ४५ दिवसांहून अधिक काळ जाणीवपूर्वक प्रलंबित ठेवल्याचे आणि तक्रारी inward-outward रजिस्टरमध्ये नोंद न करता दडपल्याचे पुराव्यासहित नमूद आहे. तसेच, दप्तर दिरंगाई नियमावली 28/10/2008, महाराष्ट्र नागरी सेवा वर्तन नियम 1979 आणि भारतीय संविधानाच्या अनुच्छेद 19(1)(a) चा भंग केल्याचा आरोपही करण्यात आला आहे.

मुख्य गुन्हेगारी मुद्दे:

शासन रेशन धान्याचा अपहार व काळाबाजारातील विक्री.

माहिती अधिकार कायद्याचे उघड उल्लंघन.

तक्रारी व निवेदनं दडपून पारदर्शकता संपुष्टात आणणे.

हायकोर्ट आदेश व शासन परिपत्रकांचे थेट उल्लंघन.

आझाद पठाण यांची मागणी:

तात्काळ स्वतंत्र उच्चस्तरीय चौकशी करून दोषींवर शिस्तभंगात्मक व फौजदारी कारवाई करण्यात यावी. सर्व प्रलंबित अर्ज व inward-outward रजिस्टर तपासून संपूर्ण घोटाळ्याचा अहवाल ७ दिवसांत जाहीर करावा.

तगडा इशारा:

७ दिवसांत कारवाई न झाल्यास हे प्रकरण लोकायुक्त, मुख्यमंत्री, हायकोर्ट आणि माध्यमांमार्फत जनतेसमोर आणले जाईल. विलंब हा प्रशासनाच्या निष्क्रियतेचा आणि भ्रष्टाचाराला मिळालेल्या संरक्षणाचा पुरावा ठरेल, असे आझाद पठाण यांनी स्पष्ट केले.