👉 समाजवादी पार्टीचे युवक जिल्हाध्यक्ष आझाद "भाई" पठाण यांना पोलिसांकडून BNSS कलम 168 अंतर्गत नोटीस – कायद्याचा गैरवापर?

दि. 19 जुलै 2025

स्थळ: नांदुरा, जिल्हा बुलढाणा

नांदुरा पोलीस स्टेशनमार्फत दिनांक 19/07/2025 रोजी समाजवादी पार्टीचे युवक जिल्हाध्यक्ष आझाद भाई पठाण यांना BNSS कलम 168 अंतर्गत एकतर्फी नोटीस देण्यात आली आहे. ही नोटीस दिनांक 20/07/2025 रोजी नांदुरा येथील उर्दू हायस्कूल मैदानात आयोजित करण्यात आलेल्या AIMIM पक्षाच्या सभेच्या पार्श्वभूमीवर दिली गेली आहे.

पोलिसांनी या नोटिशीत माजी खासदार तथा AIMIM प्रदेशाध्यक्ष यांची सभा ‘जातीय तणाव निर्माण होण्याची शक्यता’ म्हणून नमूद केली आहे. मात्र, या संदर्भात समाजवादी पार्टीने आधीच आपली भूमिका स्पष्ट करून विरोध दर्शवलेला असून, स्थानिक नागरिकांकडूनही यास विरोध आहे. तरीदेखील समाजवादी पक्षाच्या युवक नेत्याला अशा पद्धतीने नोटीस बजावणे, हे लोकशाही व अभिव्यक्ती स्वातंत्र्याचा अवमान असल्याचे पक्षाचे म्हणणे आहे.

गेल्या अनेक वर्षांत नांदुरा शहरात विविध धर्मीय, जातींचे उत्सव शांततेत पार पडले असून, कोणताही तणाव निर्माण झालेला नाही. तरीदेखील केवळ निवडक कार्यकर्त्यांना लक्ष्य करून नोटीसा बजावणे, हे पक्षविरोधी कारवाईचे लक्षण आहे, असा आरोप समाजवादी पार्टीने केला आहे.

पक्षाने यासंदर्भात लवकरच कायदेशीर व प्रशासकीय उपाययोजना जाहीर करण्याचा इशारा दिला आहे.

—

✍️ संपर्क:

आझाद पठाण

युवक जिल्हाध्यक्ष, समाजवादी पार्टी

नांदुरा, बुलढाणा