🌟 नांदुरा पोलीस स्टेशनचे नवीन ठाणेदार मा. सातव साहेब यांचा युवा जिल्हाध्यक्ष आझाद पठाण यांच्या हस्ते सन्मान 🌟

आज दिनांक 27 जून 2025 रोजी नांदुरा शहर पोलीस स्टेशनचे नवे ठाणेदार मा. सातव साहेब यांचा युवा जिल्हाध्यक्ष तथा समाजवादी पार्टीचे तेजस्वी नेते आझाद पठाण यांच्या वतीने पुष्पहार अर्पण करून सन्मान करण्यात आला.

या प्रसंगी आझाद पठाण व त्यांच्या सहकाऱ्यांनी सातव साहेबांची सदिच्छा भेट घेतली. शहरातील कायदा-सुव्यवस्था, सामाजिक सलोखा, आणि पोलीस-जनता यांच्यातील सुसंवाद यासंबंधी रचनात्मक चर्चा करण्यात आली.

यावेळी बोलताना ठाणेदार सातव साहेब यांनी स्पष्ट शब्दांत सांगितले की,

"माझ्या कार्यकाळात कोणत्याही नागरिकावर अन्याय सहन केला जाणार नाही. कायदा आणि सुव्यवस्थेचे पालन हे सर्वोच्च प्राधान्य असेल. गावातील अराजक व असामाजिक प्रवृत्तीवर बारकाईने नजर ठेवली जाईल व योग्य त्या कायदेशीर कारवाई करण्यात येईल."

या संवादातून एक सकारात्मक संदेश जनतेपर्यंत पोहोचवण्याचा प्रयत्न झाला. समाजवादी पक्षाच्या वतीने आझाद पठाण यांनीही पोलिस प्रशासनाला पूर्ण सहकार्य करण्याचे आश्वासन दिले.

या भेटीत अनेक युवा कार्यकर्ते व स्थानिक नागरिक उपस्थित होते. शहरात नव्या ठाणेदारांच्या नियुक्तीमुळे कायदा व सुव्यवस्थेला नवी दिशा मिळेल, असा विश्वास व्यक्त करण्यात आला.

— प्रतिनिधी

नांदुरा अपडेट्स