सदर मीटरमध्ये तांत्रिक बिघाड असून, हेतुपुरस्सर अधिक वीज बिल आकारले जात असल्याचा गंभीर आरोप कर्मचाऱ्यांनी केला आहे. नव्या मीटरमुळे पोलिस कर्मचाऱ्यांचे आर्थिक गणित कोलमडले आहे. जुन्या मीटरची व्यवस्था पुन्हा लागू करावी, अन्यथा तीव्र आंदोलन करण्यात येईल असा सज्ज इशाराही त्यांनी दिला.
आझाद पठाण यांनी स्पष्ट शब्दांत सांगितले की,
"महावितरणने जनतेच्या खिशाला कात्री लावण्याचे काम थांबवावे. नवीन मीटरमुळे कोणतीही पारदर्शकता नाही. हे मीटर तात्काळ काढून टाकण्यात यावे. अन्यथा समाजवादी पार्टी नांदुरा शहरात उग्र आंदोलन करेल आणि याचे पूर्ण जबाबदार महावितरणचे अधिकारी असतील."
महावितरणच्या हलगर्जी कारभारामुळे नागरिक त्रस्त झाले असून, आता ही लढाई नांदुरा वासीयांची बनली आहे. लवकरच याबाबत सविस्तर चौकशी न केल्यास, जिल्हा पातळीवर आंदोलन उभारण्याचा निर्धार करण्यात आला आहे.