नांदुरा तहसील कार्यालयातील अधिकारीविरोधात समाजवादी पार्टीकडून प्रशासनाकडे तक्रार

🔴 दिनांक: 30 जून 2025
नांदुरा, जि. बुलढाणा

समाजवादी पार्टीचे युवा जिल्हाध्यक्ष आझाद पठाण यांनी आज बुलढाणा जिल्हाधिकारी कार्यालयात निवेदन देत नांदुरा तहसील कार्यालयातील पुरवठा निरीक्षण अधिकारी श्रीमती पूनम थोरात यांच्याविरोधात तात्काळ प्रशासकीय चौकशी व कायदेशीर कारवाई करण्याची मागणी केली आहे.

आझाद पठाण यांच्या म्हणण्यानुसार, सदर अधिकारी यांनी सामान्य नागरिक, पत्रकार व सामाजिक संस्थांनी केलेले माहिती अधिकार कायदा 2005 अंतर्गत अर्ज, तसेच तक्रारी व निवेदनं ही जाणीवपूर्वक प्रलंबित ठेवली आहेत, जी एक गंभीर प्रशासकीय अनियमितता आहे.

मुख्य आरोप पुढीलप्रमाणे आहेत:

• माहिती अधिकार कायद्यातील कलम 7(1) चे उल्लंघन
• तक्रारी व निवेदनांची नोंद न करता दडपशाही
• दप्तर दिरंगाई व नागरी सेवा वर्तन नियमांचे उल्लंघन
• नागरिकांच्या मूलभूत माहिती अधिकारांचे उल्लंघन
• उच्च न्यायालयाच्या निर्देश व शासन परिपत्रकांचा अवमान

या पार्श्वभूमीवर त्यांनी खालील मागण्या केल्या:

1. प्रकरणाची तात्काळ आणि स्वतंत्र चौकशी
2. inward-outward रजिस्टर व फाईल हालचाल तपासणी
3. दोषी अधिकारीवर शिस्तभंगात्मक व कायदेशीर कारवाई
4. प्रशासनात पारदर्शकता आणण्यासाठी उत्तरदाय प्रणालीची अंमलबजावणी

ही तक्रार सामान्य जनतेच्या हक्कांचे रक्षण करण्यासाठी पक्षीय जबाबदारी म्हणून दाखल करण्यात आली असून, "कारवाई न झाल्यास जनआंदोलनाचा इशारा" देखील श्री. पठाण यांनी यावेळी दिला.

---