,
म्हणजे नेमकं काय सुरू आहे? नागरिकांनी कर भरायचा, बिल भरायचं, आणि समस्या आल्या की अंधारात तडफडायचं?
आज इतक्या मोठ्या शहरात वीज नसणे ही केवळ तांत्रिक बिघाडाची बाब नाही, ही प्रशासनाच्या बेजबाबदारपणाची, भ्रष्ट मानसिकतेची आणि जनतेविषयी असलेल्या उदासिनतेची साक्ष आहे.
मोबाईल बंद, ऑफिसचा लँडलाईन उचलत नाही, कोणताही अधिकारी प्रतिसाद देत नाही – ही अपमानास्पद परिस्थिती आहे.
> हे काय 'रामभरोसे' प्रशासन आहे का? का केवळ जनतेला झुलवून ठेवण्याचं नाट्यमय तंत्र?
जवाब मागतोय – समाजवादी पक्ष!
मी, आझाद पठाण – समाजवादी पार्टीचा युवा जिल्हाध्यक्ष – या खुल्या पत्रातून एमएसईबीच्या वरिष्ठ अधिकाऱ्यांना इशारा देतोय:
> जनतेच्या संयमाची परीक्षा घेणं बंद करा.
वेळेत सेवा द्या, नाहीतर खुर्च्या सोडा!
नांदुरा शहराच्या जनतेचा आवाज समाजवादी पार्टी रस्त्यावर आणणार आहे.
जर वीज सेवा तत्काळ सुरळीत झाली नाही, तर एमएसईबी कार्यालयासमोर धरणं आंदोलन छेडलं जाईल, आणि ते केवळ निषेधापुरतं मर्यादित नसेल – तर जबाबदार अधिकाऱ्यांची नावे जाहीर करून कारवाईची मागणी केली जाईल.
हे बघा – आम्ही जनतेचे प्रतिनिधी आहोत, गप्प बसणार नाही!
महावितरण प्रशासनाच्या कामगिरीवर प्रश्नचिन्ह निर्माण झालं आहे.
कधी लाईनमन नाही, कधी कर्मचारी भेटत नाहीत, कधी तांत्रिक अडचण तर कधी फक्त दुर्लक्ष!
यापुढे ही मनमानी चालू देणार नाही. आम्ही जनतेबरोबर आहोत, अंधारातून उजेडाकडे नेणाऱ्यांची लढाई सुरूच राहील.
✍️ – आझाद पठाण
युवा जिल्हाध्यक्ष, समाजवादी पार्टी – नांदुरा
Tags
नांदुरा शहर